#1 [原创]色 • 戒 (1 - 4)
（此剧本首发于剧作者本人博客，未经原作者或改编者允许请勿转载。）
此五场戏曲剧本“色 • 戒”系根据张爱玲同名小说改编。因为小说所设定的特定环境氛围，此改编剧本尤其适宜由沪剧这一最具上海风情的剧种来演出。为强调三十年代沪上风情，故而剧中台词唱句目前均尽可能地按老上海的方言拟写。但如其他剧种比如越剧京剧等想要上演，完全可以很方便地稍作更动，把沪方言回复成常规语言样式即可。在推出专为上海沪剧界写作的“色 • 戒”沪剧本之后，在接下来的几周内我将继续推出专为越剧界写的越剧本和专为京剧界写的京剧本。这也是剧作者第一次尝试在戏曲领域内“一鸡三吃”。
将张爱玲的小说“色 • 戒”改编成为戏曲剧本与剧作者所改编的其他一些戏曲剧本如“巴黎圣母院”“天鹅湖”等一样起意于二零零六年初春。这个五场戏曲剧本“色 • 戒”框架构筑于两个月后的初夏。全剧则完成于同年盛夏。因此，与著名大导演李安同期开始动手拍摄的同名电影，除同样出自张爱玲原作之外毫无关联，特此声明。
第四场：布网电影院
场景：平安大戏院进口处大厅，后转为复兴公园某角落。
时间：上一场后约有三月之久
幕后合唱声起。
幕后合唱：
来到上海三月久，
老虎吃天难下手。
特务头子多机警，
怎样叫他来上钩？
幕后合唱声中大幕升起。
幕启时吴已在场上，头戴鸭舌帽，风衣墨镜，手拿一份报纸。
吴唱：
行动小组我执掌，
三月已过仍渺茫。
上峰指示要结果，
严令尽快来收网。
吴圆场。马路过客有人进出平安大戏院大厅，或观看电影放映信息或欣赏海报。
民和金作为一对情侣上场。他们两人每人手里都拿着一份报纸。同样圆场。
生上场，同样手拿一份报纸。保持距离同样圆场。
王匆匆上场。戴墨镜，手里拿一份报纸。尾随圆场。
民和金见到王上场，未打招呼，两人管自窃窃私语。
吴下场，民和金接着下场。生从同一方向下场，王接着下场。
场上仍有部分过客。
灯暗转。片刻后灯复亮。此时场景已是复兴公园某角落。
王上场。圆场。（此时上场人物手里均已没有报纸。）
王唱：
匆匆赶到电影院，
谁知阵地再转换。
千斤重担压在肩，
他们只作壁上观。
今日召唤听指示，
就怕又是拼命催。
排头吃足倒还罢，
如何能把任务完？
王圆场后下场。吴和生上场。吴已摘下墨镜。
吴唱：（对生）
上峰对捺有意见，
磨磨蹭蹭勿像样。
一日两日拖下去，
叫我哪能来收场？
生唱：（抱歉地）
我伲本来少经验，
凭一腔热血就登场。
如何动手请（侬）指示，
正是要借重侬吴先生。
吴：（不耐烦地）好啦，好啦，伊拉三个人哪能还勿来？
生：（小声地）吴先生，侬看，伊拉来啦。
民和金携手上场。
民和金：我伲呒没迟到伐？
吴：今朝原来就只有第一地点的碰头辰光，转移到第二地点呒没确定辰光，也勿可能有！现在我要批评捺两家头格是：作为一对情侣跑出来，绝对勿会每人手里拿一份报纸。两个人谈朋友也好做夫妻也好，一份报纸足够来！
民：对对对，吴先生讲得对！下趟一定注意，一定注意！
金：（背后嘀咕）勿就是侬叫大家手里拿份报纸作记号格啊。
生：吴先生刚刚讲，我伲一定要抓紧来。
王悄然上场，未摘下墨镜。场上其他人也未察觉。
民：（讨好地）是啊是啊，等一歇王桂枝来了以后，好好叫批评伊一顿！
金：（出气地）依我看，伊勿要拨拉易先生迷得去来！
吴：（警惕地）侬讲啥？！难道我伲会得赔了夫人又折兵？！
生：对勿起，对勿起。伊只是讲讲气话。勿算数格，（对吴摇手）勿算数格。
吴生民金四人靠拢商议，可见吴摸出一张图指指点点。
王背唱：
战战兢兢费脑筋，
辛辛苦苦好伤心。
冷粥冷饭可以吃，
冷言冷语忒伤情。
狡兔原本有三窟，
变幻莫测难追寻。
（我）独自一人走钢丝，
为啥勿曾有知音？！
王背唱毕，走向四人。四人正在研究图样，等王立定方始发觉。
吴：（扮出一副笑脸）啊呀，我伲格主角女英雄来啦！
王：吴先生，侬好！迪格地方一时头浪难寻来。
吴：来了就好，来了就好！
民：王桂枝，侬来看，迪张马路两面格店面分布图。
王接过，摘下墨镜仔细观看。
生：上趟仔侬讲易先生从来是主动带侬到伊设定好格地方去。还讲要帮侬买钻戒，对伐？
王：是啊。
吴：按照大致规律，迪趟仔伊会让侬等拉勒凯司令咖啡馆，然后带侬到伊想好格地方去幽会。（此时，民金对视一下，生也露出异样眼神，王都看在眼里）对伐？
王：是格。伊约我勒拉凯司令咖啡馆等，辰光是四点半。
吴：一般来讲，伊总归是迟到，对伐？
王：是格，伊讲伊工作忙，只有我等伊。
吴：其实，伊来了之后，还要侦察周围环境再会得进来。迪格也要化脱点辰光。凯司令咖啡馆玻璃窗忒大，很容易里厢看到外头，外头看到里厢。所以，迪趟侬要想法子让伊陪侬到迪家珠宝店去买钻戒。
王：一定？
吴：一定！
王：好，我保证想办法搭伊一淘到迪家珠宝店。
吴：按照我伲掌握格情况，估计伊会得五点钟左右到凯司令咖啡馆。一进一出辰光扣脱，再兜到隔壁再隔壁格迪家珠宝店算伊五点零五分。珠宝店一开间店面小来西，印度人爷伲子两家头一个老板一个伙计。勿管看得中看勿中，侬一定要拖到五点三十五分放伊走出店门。
金：为啥是五点三十五分？
吴：平安大戏院下半日格第二场电影五点三十五分散场，人统统涌出来，便于动手之后隐蔽，也是为了捺格安全。
民：啥人动手呢？
吴：等一歇会得带捺到一个地方，捺三个人每人发一把白朗宁手枪，配十二发子弹。小梁等勒拉西伯利亚皮货店前头，瞄瞄橱窗看看手表等等女朋友。小邝搭仔小金两家头等勒拉绿屋夫人时装店里厢，出来后小两口再继续讨论橱窗模特儿穿格时装入调勿入调。两隔壁五点三十分埋伏好，等伊一出来，就近身开枪。枪声加上电影散场肯定是一片混乱，大家就赶快朝平安大戏院方向撤退！
金：（担心地）格末会得打着王桂枝伐？
吴：决计勿会。伙计送客拉门，易先生绅士派头，一定走勒拉前头。
王：格末我呢，我也要有一把手枪啊。
吴：侬拿了枪反而勿好。坤包里厢就是摆得进去，也容易引起注意。再讲，伊拉三格已经受过训练，侬还呒没。
生：我勒拉香港扮过麦先生，假使王副官明朝仔……
吴：侬用勿着担心，王副官有公事到南京，昨日刚刚走脱，大概要一个礼拜再会得回上海。
生：（如释重负）好吧。
民：吴先生，侬自家……
吴：我么，勒拉平安大戏院门口搭捺压阵。
吴接唱：（先扫视一下场上各位）
上峰指示网收紧，
惩罚汉奸勿轻饶。
民生金三人合唱：
紧要关头就要到，
（相互对视安慰）
心态放松谨相告。
王背唱：
眼前还算女主角，
事后就是路边草。
吴：各位记好仔，下半日格迪场电影五点三十五分散场。大家再拿表对一对准。
五人凑在一起对表。
灯急暗转。幕后合唱声起。
幕后合唱：
最后格行动末看明朝，
珠宝店格门口见分晓。
电影散场五点三十五，
大家千万千万要记牢。
幕后合唱声中大幕落下。
| 
